Lea-Artibai eta Mutriku

2009-07-02 | 17:04:28

Lekeitioko Gazte Triatloia egingo dute domeka goizean

Goizeko 10:30etan hasiko dira gazteak igerian, bizikletan eta korrika egin beharko duten proban.

Gazteen triatloia antolatu dute Garraitz Kirol Taldekoek domekan goizeko 10:30etan. Parte-hartzaileek, kategoriaren arabera distantzia ezberdinak egin beharko dituzte ariketetan, igerian, bizikletan eta aringa-aringa. Maila jaiotze dataren araberakoa izango da.

Ez du erantzunik

2009-07-01 | 17:10:45

San Pedro Baltza ere agertu da jaietako azken eguna ospatzera

Kinkirrinkoia eta gailetak, umeentzako jolasak eta gauean dantzaldia izan dira eguneko ekitaldiak.

Atzo amaitu ziren aurtengo sanpedro jaiak, San Pedro Baltza egunarekin. Egun guztian hainbat ekitaldi izan ziren Rufo Atxurra plazan. Guztiak, Sostor elkarteko kideek antolatuta.

Ez du erantzunik

2009-07-01 | 16:30:55

«Kaleak pintada barik egoteko» lanean jarraituko duela adierazi du Udalak

«Penagarritzat» jo du Jaurlaritzak «ETAren aldeko» pintadak 24 orduko epean kentzeko agindua eman izana

Joan den zapatuan Eusko Jaurlaritzako Herrizaingo Sailetik jasotako agindua «penagarritzat» jo du Udalak. Bariku gauean egindako «ETAren aldeko pintadak» 24 orduko epean kentzeko eskatu zion Herrizaingo Sailak Lekeitioko Udalari, egin ezean erantzukizun penal eta administratiboak Udalarenak berarenak izan zitezkeela adierazita. 

Ez du erantzunik

2009-06-30 | 17:06:43

Gazte bazkaria eta musika nagusi San Pedro txiki egunean

Azkenak ematen ari dira lekeitiarrak sanpedroetan. Gaur bukatuko dira jaiak San Pedro baltza egunarekin.

Azken txanpan sartu dira aurtengo sanpedroak. Gaur amaituko dira jaiak Rufo Atxurra plazan egingo diren ekintza ezberdinekin.

Ez du erantzunik

2009-06-30 | 16:22:28

Sua izango da aurtengo XX. Nazioarteko Kale Antzerki Jaialdiko protagonista

Uztailaren 10etik 12ra egongo dira ikuskizunak

Zaindu maite duzun hori. Ruper Ordorikaren abesti bat da, eta hemendik aurrera, XX. Nazioarteko Kale Antzerki Jaialdiaren izena ere bai. «Kale antzerkia asko maite dugu, eta hori zainduko dugu», esan zuen esan ere atzoko prentsaurrekoan Imanol Agirre jaialdiaren zuzendari artistikoak.
Euskal Herriko taldeenez gain, Frantzia, Argentina, Gaztela eta Leon, Castello eta Galiziakoen ikuskizunez gozatzeko aukera egongo da. «Nazioarteko mailak ematen dio jaialdiari prestigio eta itzal handia». Nabarmendu dutenez, Frantzia azken urteotako gonbidatu «ezinbestekoa» bihurtu da, «bertan egiten da-eta Europako kale antzerkirik hoberenetakoa».

• Erakusketa

Erantzun 1

2009-06-29 | 18:22:26

Kaxa gainean San Pedroren omenez

Ohiturari jarraituz dei egitekoak, kilin-kalakoa, emakumezkoen aurreskua eta kaxarranka izan ziren atzo goizean.

Eguzkiak ere ez du galdu nahi izan San Pedro eguna. Goizean goizetik dei egitekoak ibili dira kalez kale arrantzaleei itsasora joateko dei eginez. Aurtengoan gainera, belaunaldi berria sartu da dei egitekoen artean. 2008an herriari buruzko antzerkia egin zuten, eta han animatu zitzaien neska gazteak. «Dei egiteko sendo batu zarete aurten» entzuten zen herritarren ahoetan.

Erantzun 1

2009-06-24 | 09:14:33

«Ez dugu bakarrik zuzendaritza aldatu, barruan ere aldaketak egin ditugu»

Eusko Alkartasunaren bileraren ostean, laster batean proposamen berri eta zehatzak egiteko prest daudela azaldu du Joseba Geruzagak.

Asteburuan egin du Eusko Alkartasunak kongresua. Bertan, zuzendaritza berria aho batez onartu dute, Pello Urizar idazkari nagusi izango delarik. Joseba Gezuraga lekeitiarra (1959) Bizkaiko EAko presidentea da, eta baita Batzar Nagusietan batzarkide ere.

Ez du erantzunik

2009-06-22 | 16:40:20

Tailerrak, play-back-ak eta bertso-saioa egongo dira bihar eskola egunean

Goizean goiz hasiko dira eskolako jaiarekin, eta gauean, ohitura den moduan, suekin amaituko dute

Bihar ospatuko dute Lekeitioko Eskola Publikokoek aste kulturala amaitu ostean eskolako jaia.

Goizean tailerrak, play-back-ak eta tritikilariak egongo dira. Ostean, bertso-saioa antolatu dute, Xabier Enbeita izango da kantari.
Eguerdi aldera luntxa izango da ikasle, irakasle eta gurasoentzat. Ostean, dutxa egongo da ikasle guztientzat. Arratsaldean, berriz, gaztelu puzgarriak egongo dira.
Gauean, ohitura den legez, suekin emango diote amaiera egunari.

Ez du erantzunik