Lea-Artibai eta Mutriku

2008-06-02 | 15:50:33

'Plaza Bete' ekimena ekainaren 22an egingo dute, 12:30ean

«Bakoitzak bere arrazoiekin, saihesbideari eta bere ondorioei desadostasuna erakusteko gunea izango da ekainaren 22koa»

Lekeition saihesbidea egiten ari dira bertako Udala eta Bizkaiko Diputazioa. Proiektua herritarren iritzia eskatu barik eta «benetako eztabaida bat eman barik» doa aurrera. Hori salatzeko, bakoitzak bere arrazoiekin saihesbideari eta bere ondorioei desadostasuna erakusteko, ekainaren 22an, domekan, Plaza Bete ekimena egingo dute. 12:30ean batuko dira.
Saihesbide Honegaz Ados Ez Dagoen Plataformak deitutako ekimena da, baina, herritar gehiagok ere parte hartu dute: «Ekimenean parte hartzeko deia egiteko ateratako kartelean 469 lekeitiar ditugu: benetako herri eskaera baten izaera duen kartela atera dugu», nabarmendu dute plataformako kideek.
Plaza Bete ekimenagaz herriko hainbat rock taldetako kideak ere bat daudela zaldu dute Saihesbide Honegaz Ados Ez Dagoen Plataformakoek: «Horren erakusgarri da herri eskaerari melodia jarriko dion kanta aterako dugula».
Kanta bakarrik ez, logotipoa ere egin dute: «Lekeitioko bazter guztietan ikusi ahal izango den logotipoa egin dugu: herri eskaera honen ikurra».

14 erantzun

2008-05-27 | 16:48:08

Plataformak Plaza bete ekimena egingo du ekainaren 22an

Zapatuan 13:00etan aurkeztuko dute ekitaldian udaletxe aurrean

Saihesbide Honegaz Ados Ez Dagoen Plataforma azken asteotan herriko jendeagaz batu da

21 erantzun

2008-05-21 | 13:36:06

Ezker abertzaleak Udal Foroetan ez parte hartzea erabaki du

Martitzenean kontzentrazioa egindu du aldeldiak 'Lekeition demokrazia zero' lelopean

Lekeition Udal Foroak martxan jarri nahi dituzte, eta ezker abertzealek, lehen batzarrera joan ostean, parte-hartzeari ezetza ematea erabaki du. Hiru dira emandako arraoziak: "Orain dela bost urtetik bizi dugun apartheid egoera, Euskal Herrian bizi dugun salbuespen egoera, eta Lehendakariak foroagaz lortu nahi duen helburua".
Bestalde, maritzenean 19:30ean udaletxeko eskaileretan kontzentrazioa deitu du alderdiak Lekeition demokrazia zero lelopean. "Hausteskundeetan urteurrena salatzea da helburua; urtebete ostean oraindik kalean gaudela esatea".

26 erantzun

2008-05-19 | 17:18:18

31. Euskal Zine eta Bideo Bileran parte hartzeko epea zabaldu dute

Azaroaren 18tik 22ra izango da aurtengo edizioa; beharrak irailaren 20ra arte aurkeztu daitezke

Lekeitioko Euskal Zine eta Bideo Bileraren 31. edizioa ospatuko dute aurten. Iaz jaialdiak jarraipenik ez zuela edukiko esan zuten antolatzaileek: antolakutzan laguntza falta zuten. Baina aurrera egitea erabaki dute. Beharrak irailaren 20ra arte aurkeztu daitezke eta horretarako Eusebio Erkiaga Kultur Etxera eroan edo bidali beharko dira. DVD formatuan egindako lanak izan beharko dira, eta euskarazkoak.

11 erantzun

2008-05-12 | 14:30:43

Buruko zapia ipintzen ikasteko tailerra egongo da zapatuan

Eguenera arte eman ahalko da izena kultur etxean; 10 euro ordaindu beharko dira pertsonako

Aittitta Txiki elkarteak baserritarren buruko zapia ipintzen ikasteko tailerra antolatu du zapaturako. Izen-ematea zabalik dago, eguenera arte, kultur etxean. Herrian antolatzen eta ospatzen diren ekimen askotan buruko zapia erabiltzen dela kontuan hartuta antolatu dute tailerra. Ordu bi inguruko saioa izango da, eta parte-hartzaileek telazko euskal zapia «ganoraz» ipintzen ikasteko aukera edukiko dute.

4 erantzun

2008-05-09 | 15:08:25

Paparroiak saskibaloi taldeak etxean amaituko du aurtengo denboraldia

Erandioren kontra neurtuko dira lekeitiarrak; irabazteko aukerak dituztela aurreratu dute.

Erandioko taldearen kontra jokatuko du Paparroiak saskibaloi taldeak denboraldiko azkenengo partida. Zapatuan dute hitzordua, 16:30ean, Santi Brouard kiroldegian.

Ez du erantzunik

2008-05-09 | 13:02:43

Eskolarteko olinpiaden azken topaketak egin dituzte gaur DBH 3. eta 4. mailako ikasleek

Lekeition bildu dira hainbat kirol egiteko

Lea-Artibaiko eskolarteko XIX. kirol eta jolas topaketak atzo amaitu zituzten DBH 3. eta 4. mailako ikasleek. 404 ikasle inguru Lekeition bildu ziren hainbat kirol egiteko: taldekoak, esku pilota, eta ekintza bereziak, besteak beste. Futbola, saski baloia, bolei hondartza, pala, esku pilota, hip-hop, piragua, eskalada, spinning eta pentlatoia egin dituzte. Hiru barikutan egin dituzte eskolarteko olinpiadak: apirilaren 18an hasi zituzten LH5. eta 6. mailakoek, 25ean DBH 1. eta 2. mailakoak etorri ziren Lekeitiora, eta gaurkoan DBH3. eta 4. mailakoen txanda izan da.

Ez du erantzunik

2008-04-30 | 14:29:55

Lekeitioko marinelak etxean daude

12:00etan ailegatu dira Loiuko aireportura, Madriletik

7 erantzun